An pagdugang o adisyon (Ingles: addition), harus pigsisignipika gamit an simbolong plus na +, iyo saro sa apat na basehang operasyon kan aritmetika, an iba iyo an pag-ina, pagpadakul, asin pagbanga. An adisyon kan duwang bilog na bilang iyo minaresulta sa kabilugang bilang o suma kan pinagsalak na mga bilang. Halimbawa, sa tampok na ladawan, nagpapahiling nin kombinasyon kan tolong (3) mansanas asin duwang (2) mansanas, kaya igwa nin limang mansanas sa kabilugan. An obserbasyong ini iyo kaparehas sa matematikong ekspresyon na "3 + 2 = 5" ("3 plus 2 iyo minatao nin 5").
An pagdugang iyo saro sa mga pinakasimpleng numerikal na kagibohan. An adisyon kan mga saraditon na bilang iyo kayang kaya na kan mga kaakian; an pinakabasehan ngani kaini an, 1 + 1, na kaya kan mga umboy poon limang bulan asin maski ngani kan ibang espesye nin mga hayop. Sa elementarya, an mga estudyante iyo pigtutukduan na magdugang nin mga bilang sa sistemang desimal, poon sa solong digit hasta sa mga masarakiton na mga problema. An mga mekanikal na pagtabang iyo minapoon sa mga suanoy na abakus hasta sa mga modernong kompyuter, kun sain an pag-aadal dapit sa pinakamarhay na implementasyon kan adisyon iyo nagpapadagos hasta sa ngunyan.
© MMXXIII Rich X Search. We shall prevail. All rights reserved. Rich X Search